Skoolfonds is jaarliks vooruitbetaalbaar op die eerste akademiese dag. Die skool maak aan alle ouers ʼn vergunning om die skoolfonds op die volgende wyses af te betaal:

Volgens die Skolewet en Staatskoerant, nr. 29311 van 18 Oktober 2006, moet alle ouers jaarliks formeel ingelig word van hul reg om aansoek te doen om gedeeltelike, volle of voorwaardelike vrystelling van die betaling van skoolgelde. Hierdie dokument dien as sodanige kennis.

Daar word van ouers vereis om elke jaar 'n nuwe vrystellingsaansoek voor einde Februarie persoonlik by die skool in te handig. 'n Skriftelike motivering vir laat indiening sal daarna vereis word. Die Beheerliggaam behou die reg om afsprake te reël voor die f inalisering van vrystellingsaansoeke. Na Februarie sal aansoeke van nuwe leerders of ouers, wie se finansiële omstandighede skielik verander het, oorweeg word.

Ek/ons verstaan dat die korrekte vorms by die skool se finansiële kantoor afgehaal moet word indien ek/ons om die vrystelling van skoolgeld wil aansoek doen. Die genoemde vorms moet volledig ingevul word en persoonlik, saam met die relevante dokumentasie, tydens konsultasie by die finansiële kantoor, ingehandig word. Ek/ons verstaan dat die skool moet funksioneer en dat enige en alle kostes deur ander betalende ouers gedra moet word.

Neem asseblief kennis van die volgende belangrike inligting ten opsigte van die voltooiing van die debietorderopdragvorm:

• Onvolledige, nievoltooide en halfvoltooide vorms word nie aanvaar nie.
• Maak seker dat alle inligting korrek is sodat prosessering noukeurig kan plaasvind.
• Handig die oorspronklike voltooide debietorderopdragvorm by die finansiële kantoor in.
• Aftrekkings word vanaf Januarie tot November op die laaste werksdag van ’n maand gedoen.

HIERMEE GEE EK TOESTEMMING DAT DIE HOËRSKOOL MENLOPARK SKOOLFONDS, SOOS PER BEGROTING VASGESTEL, PER DEBIETORDER VAN MY BANKREKENING (SOOS HIER BO AANGEDUI) VANAF JANUARIE TOT NOVEMBER MAG VERHAAL.

Debietorder Regulasies:

1. Indien die betaling van ’n debietorder vir een maand deur die bank geweier word, moet die bedrag deur uself by die skool inbetaal word.
2. Indien die debietorder ’n tweede keer geweier word, word dit nie weer aangebied nie en word ek/ons ook aanspreeklik vir die vereffening van die skoolfonds gehou.
3. Hierdie magtiging kan deur my/ons gekanselleer word deur Die Hoërskool Menlopark skriftelik 30 dae kennis te gee, maar ek/ons verstaan dat ek/ons nie op ’n terugbetaling van bedrae geregtig is wat onttrek is, terwyl dié magtiging van krag was indien sodanige bedrae regtens aan Die Hoërskool Menlopark verskuldig was nie.
4. Alle sodanige onttrekkings uit my/ons bankrekening deur die skool hanteer te word asof dit deur my/ons persoonlik onderteken is.
5. Ek/ons verstaan dat die onttrekkings wat hiermee gemagtig word, deur ’n rekenaar verwerk sal word deur middel van ’n stelsel bekend as die ACB-magneetbanddiens en ek/ons verstaan verder dat die besonderhede van elke onttrekking op my/ons bankstaat of op ’n bygande strokie gedruk sal wees.
6. Ek/ons stem in om enige bankkoste met betrekking tot hierdie debietorderopdrag te betaal.
7. Die ontvangs van hierdie opdrag deur die skool word as ontvangs daarvan deur my/ons bank (soos die geval mag wees) geag.
8. OORDRAG:
   Ek/ons erken dat die party wat hiermee gemagtig is om die trekking(s) teenoor my/ons rekening te behartig, geen van sy/hulle regte aan ’n derde party mag afdraag of sedeer sonder my/ons skriftelike toestemming wat vooraf verkry is, en dat ek/ons geen van my/ons verpligtinge ingevolge hierdie kontrak/magtiging aan ’n derde party mag delegeer sonder die skriftelike toestemming wat vooraf van die gemagtigde party verkry is nie.

• Ek/ons, ouer(s)/voog(de), gee toestemming dat my/ons kind aan die kurrikulum en buitemuursse aktiwiteite van die skool mag deelneem en verwante uitstappies en toere mag meemaak.
• Ek/ons aanvaar dat alle voorsorg vir die veiligheid en welstand van my/ons kind getref sal word en dat ek/ons, in die geval van ’n besering, vir enige mediese of hospitaalrekeninge verantwoordelik gehou sal word.
• Ek/ons dra my/ons magtiging as ouer(s)/voog(de) aan die hoof van die skool of sy verteenwoordiger oor indien mediese/chirurgiese behandeling vir my kind nodig is. Sover ek/ons weet, is hy/sy fisies in staat om aan enige aktiwiteit deel te neem en verkeer hy/sy in goeie gesondheid. Ek/ons onderneem om die skool in kennis te stel indien sy/haar gesondheidstoestand, of my/ons mediesefondsbesonderhede, verander.

Ons verklaar dat:

1. Ons die vorm volledig ingevul het en dat die besonderhede waar en korrek is.
2. Ons onsself van die skoolreëls, soos wat dit in die werkplan vervat is, sal vergewis en dat ek/ons my/ons kind/ers sal aanspoor om dit na te kom.
3. Ons daarvan bewus is dat oortreding van die skoolreëls tot optrede deur die tugraad, hoof en beheerliggaam kan lei.
4. Die Hoërskool Menlopark daarop geregtig is om regstappe te neem indien ons in gebreke bly om geld wat aan die skool verskuldig is, te betaal. Ons verstaan dat ons op prokureur-en-kliëntskaal, vir die koste wat met die invordering van die agterstallige skuld verband hou, sowel as rente indien ooreenkomstig, verantwoordelik is. Indien een paaiement nie op datum betaal word nie, sal die volle uitstaande bedrag onmiddellik opeisbaar en betaalbaar wees.
5. Ons bevestig dat ons e-posadresse vir die betekening van enige dokumente per geregistreerde e-pos aanvaar word.

Ek/ons, die wettige ouer(s)/voog(de) van .................................................. gee hiermee aan die skool toestemming om:

1. My/ons persoonlike inligting wat ingevolge die bepalings van die Wet op Beskerming van Persoonlike Inligting (Wet nr. 4 van 2013) wat deur die skool ingesamel, verwerk en gestoor word, slegs vir doeleindes wat met die bestuur en funksionering van die skool verband hou, soos deur die Suid-Afrikaanse Skolewet (Wet nr. 84 van 1996) voorgeskryf word, te gebruik.
2. My/ons kind, .................................................. se persoonlike inligting, insluitend sy/haar akademiese rekord, skoolbywoning en ander skoolverwante inligting, wat ingevolge die bepalings van die Wet op Beskerming van Persoonlike Inligting (Wet nr. 4 van 2013) wat deur die skool ingesamel, verwerk en gestoor word, slegs vir doeleindes wat met die registrasie van my kind en funksionering van die skool verband hou, soos deur die Suid-Afrikaanse Skolewet (Wet nr. 84 van 1996) voorgeskryf word, te gebruik.
3. Indien nodig, by enige relevante kredietburo navraag te doen om die inhoud van hierdie dokument te verifieer.
4. Die persoonlike inligting wat die skool ingesamel, verwerk en gestoor het aan die skool se regsverteenwoordigers te oorhandig indien ek/ons in gebreke bly om skoolrekeninge te vereffen.
5. Ons verleen verder toestemming aan Die Hoërskool Menlopark om:
   1. My/ons kind se naam, foto en prestasies vir bemarkingsdoeleindes, soos deur die skool bepaal, in die volgende media te publiseer: Die Menlo-Insig, die skool se webblad, die skool se brosjure, advertensies, koerante en die skool se sosiale mediaplatforms (Facebook en Instagram).
   2. My/ons kind op ’n WhatsApp-groep (registerklasgroep, sport-, kultuur- of akademiese groep) te plaas en op die TEAMS-platform in te sluit.
   3. Die sport-, kultuur- of akademiese geleenthede waarby my/ons kind betrokke is, uit te saai (livestream).
6. Ek/ons bevestig dat ek/ons deur die skool ingelig is dat ons persoonlike inligting in ooreenstemming met die skool se POPI-beleid hanteer sal word soos uiteengesit in die beleid wat op die webtuiste beskikbaar is.
7. Ons verstaan en bevestig hiermee dat enige verandering van my/ons persoonlike inligting sonder versuim aan die skool deurgegee sal word om die skool in staat te stel om hulle stelsels, ter wille van die behoorlike funksionering van die skool, voortdurend op datum te bring.