Ons is baie trots op ons koor se puik prestasies verlede week by die Pretoria Eisteddfod. Hulle behal ‘n A++ en A+ in hulle twee programme en word weereens vir die negende keer aangewys as die beste gemengdekoor van die Eisteddfod. Hulle word dan ook weer na die wennerskonsert genooi waartydens hulle die skild terugbring waar hy al jaar na jaar sy ereplekkie het in die trofeekas van Menlo. Welgedaan Engele! Julle sang maak ons Menlo-harte baie trots!

Na die rowwe week van Eisteddfod het die koor ook nog Saterdagaand 14 Mei gesing by UP se jaarlikse Canta Tuks koorfees vir jeugkore. Ons was die enigste skoolkoor wat die Saterdagaand die verhoog gedeel het met jeugkore en die UP Camerata. Na aanleiding van hulle optrede en die applous van die gehoor is daar net weereens besef dat ons koor op so ‘n hoë vlak funksioneer en vir geen jeugkoor terugstaan nie.

Ons wens die koor BAIE sterkte toe vir Saterdag 21 Mei wanneer hulle gaan deelneem aan die ATKV Streeksuitdun. Ons hou duim vas en weet dat dit baie goed sal gaan. Die uitdun begin om 18:30 en vind plaas by AHS se skoolsaal. Kaartjies is by die deure beskikbaar @R30 per persoon.

• Konserttoer na die KKNK 1998
• Paaskonserte en Kerskonserte in samewerking van Salonmusiek:
  • 2003, 2004, 2005, 2008 en 2010.
  • Die repertorium van die konserte het van die grootste skatte in die koormusiek bevat, Handel se Messias, die oratoriums van Bach en dele uit die Mozart en Brahms Requiems.
• In 2005 voer hulle die Misa Criola van Ramirez op met Sydwill Hartman as solis.
• As deel van RSG se kerskonserte in 2006 en 2007, waarvan die dvd landswyd te koop is.

• Beste gemengde skoolkoor van die Pretoria Eisteddfod:
• 1996, 1997, 1998, 1999, 2001, 2002, 2003, 2004, 2005, 2006, 2008, 2009 en 2010.
• In 2010 word hulle aangewys as die beste koor van die hele Eisteddfod.
• In die afgelope 14 jaar wat die koor aan die ATKV koorkompetisie deelneem op Streeksvlak het hulle al 13 goue toekennings ontvang.
• Daarmee saam haal hulle die Nasionale Finaal al 9 jaar en word as die beste gemengde koor nasionaal aangewys in 1999, 2001, 2002, 2003, 2004, 2005, 2006, 2008 en 2009.

3 van ons leerlinge, 2 van hulle is in die Menlokoor, is gekies om tydens ide Huisgenoot Skouspel Aan die einde van die jaar op te tree as lede van die Jakaranda Kinderkoor. Baie geluk:
Yolandi van der Merwe Gr 10
Talita Turvey Gr 9
Mieke Ferreia Gr 8

Koorafsluiting

 
Tydens die koorafsluitingkonsert verlede Donderdag, is die volgende toekennings gemaak:
Sopraan van die jaar = Menlorie van der Klashorst
Alt van die jaar = Annette van Zyl
Tenoor van die jaar = Sias Mulder
Bas van die jaar = Pieter Scribante
Koorlid van die jaar = Willem Wannenburg