Menlo-rugby

Menlo-Rugby streef uitnemendheid op twee gebiede na: die maksimale ontwikkeling van die potensiaal van elke speler, ongeag die span waarin hy speel, en die blootstelling van elke speler aan die mees moderne tegnologie en metodiek in afrigting. So bereik ons gemaklike die hoogste hoogtes.

Die dinamiek tussen professionele afrigting en ‘n gedrewendheid tot ontwikkeling, bring ‘n Absolut Menlo-entoesiasme en -spangees wat so kragdadig is dat die Menlo Rugby-Akademie, onder leiding van mnr. Dean van der Watt, sorg vir ‘n aktiewe, gedissiplineerde lewenstyl en internalisering van die skoolleuse, nl. Excelsa Petamus (ons streef die hoogste na). Menlo-Rugby is stewig gevestig op ‘n fondament van streng dissipline wat ononderhandelbaar is.

Menlo-Rugby staan op twee bene: die Rugby-Akademie, met ‘n visionêre rugbybestuur, en die Menlo-ondersteunersklub (MRK), wat sorg dat passie en entoesiasme ons rugbyseuns motiveer en aanvuur en hulle ten doel stel om, in samewerking met die gemeenskap, Menlo-rugby dinamies te hou.

Rugby - Akademiehoof

Mnr. Dean Van Der Watt

Hierdie e-posadres word van Spambotte beskerm. Jy moet JavaScript ontsper om dit te lees. 

0836314992

Rugby - Laerskool bemarking en werwing

Mnr. Kwagga Loubser

Hierdie e-posadres word van Spambotte beskerm. Jy moet JavaScript ontsper om dit te lees.

0836523564

Rugby - Afrigtersopleiding en vaardigheisbeampte (agterspelers)

Mnr. Braam Pretorius

Hierdie e-posadres word van Spambotte beskerm. Jy moet JavaScript ontsper om dit te lees.

0722764290

Rugby - Afrigtersopleiding en vaardigheisbeampte (voorspelers)

Mnr. Stefan Lourens

Hierdie e-posadres word van Spambotte beskerm. Jy moet JavaScript ontsper om dit te lees.

0711353125

Rugby - Kondisionering (algeheel en seniors)

Mnr. Branco Visagie

Hierdie e-posadres word van Spambotte beskerm. Jy moet JavaScript ontsper om dit te lees.

0714746523

Rugby - Kondisionering (juniors)

Me. Marilette Du Toit

Hierdie e-posadres word van Spambotte beskerm. Jy moet JavaScript ontsper om dit te lees.

• Hoogtepunte 2018

  • Al vier Menlo se A-spanne speel in die TuksSkole-reeks finaal met die o/14A –en o/15A-spanne wat as wenners uit die stryd tree, terwyl die o/16A –en eerste spanne as naaswenners aangewys word. Die o/15B-span word ook as reekswenners aangewys.

  • Menlo-rugby eindig algeheel tweede in die TuksSkole-reeks.

  • Beide die o/15-A –en B-spanne word as Virseker-beker wenners aangewys, terwyl die o/14A-span as naaswenners uit die stryd tree.

  • Die o/15 7’s span wen goud en die o/17 7’s span wen brons tydens die Noordvaal 7’s toernooi.

  • Hoërskool Menlopark lewer 25 Blou Bul spelers in totaal op.

  • Na afloop van die provinsiale-weke word daar drie o/16 en vyf o/17 spelers tot die Groen SA Elitegroep verkies.

• Hoogtepunte 2017

  2017 - ons seisoen tot op hede:

  Menlo neem deel aan die TUKSreeks met die volgende uitslae:

   

   

  Algeheel eindig Menlo-rugby in die tweedeplek.

  o/14 wen die TUKSreeks in die finaal teen Monument met 10 teenoor 5.

  o/15 eindig in die 5de plek as plaatwenners.

  o/16 wen die TUKSreeks in die finaal teen Monument met 28 teenoor 20.

  Eerstespan eindig ook as plaatwenners in die 5de plek.

   

  By die Wildeklawer-toernooi neem die o/14A-, o/15A- en o/16A-spanne in Kimberley deel teen van die land se topskole en seëvier in al hulle wedstryde. Dié toernooi word op ‘n hoë noot afgesluit met kragmetings teen Paarl Gimnasium:

  o/14A: Menlo wen 12-10

  o/15A: Menlo wen 27-19

  o/16A: Menlo wen 19-15

   

  Die Menlo-eerstes het deelgeneem aan die K2-toernooi in Oudtshoorn.

   

  Volgens die SA-rugbyranglys lê Menlo se rugbyspanne soos volg in die land:

  o/14: derde

  o/15: vierde

  o/16: tweede

  Eerstespan: 18de

   

  Ons wag om die finale spanlyste van die Blou Bulle af te ontvang, waar baie van ons spelers vanaf o/16- tot eerstespanvlak nog betrokke is.

   

   

• Hoogtepunte 2016

  • 14 Blou Bulle spelers kom uit Menlo-geledere.

  • Menlo-rugby eindig algeheel tweede in die Tuks-reeks.

  • Beide die o/14- en o/16-span speel in die Tuks-reeks finaal.

  • Menlo wen 2 Beeldtrofees.

  • Die 0/15’s seëvier in die Tuks-reeks, Beeldtrofee en Noordvaal 7's-toernooi.

  • Menlopark lewer 2 o/16-spelers wat deel is van die o/16 SA-skolespan se oefengroep.

• Hoogtepunte 2015

  • 12 Blou Bulle spelers kom uit Menlo-geledere.

  • Menlo wen 2 van die 4 Blou Bulle ligabekers.

  • Die 0/15’s seëvier in die Noordvaal 7's-toernooi.

  • Menlopark lewer 1 SA-skolespeler op wat betrokke is by 3 toetse.

• Hoogtepunte 2014

  • 6 Blou Bul Cravenweek-spelers en 9 Akademie-spelers kom uit Menlo-geledere.

  • Menlo wen 3 van die 4 Blou Bulle ligabekers.

  • Die 0/17’s seëvier vir die tweede agtereenvolgende jaar in die Coke-reeks.

  • Menlopark lewer 2 SA-skolespelers op wat betrokke is by 3 toetse.

  • Een SA-sewespeler het Menlo-wortels.

  • Ons is baie trots op prestasies van oudparkies en spog graag met twee rugby-indoenas wat diep spore trap:

  Dr. Henning Gericke, wat betrokke is by die Westelike Provinsie Rugbyunie (Curriebekerwenners vanjaar); en

  Rudolf Straeuli, hoof uitvoerende beampte by die Goue Leeus Rugbyunie.

• Hoogtepunte 2013

  • Menlo lewer 35 provinsiale spelers (0/14 tot 0/18) op skool- en klubvlak.

  • Ons kraai koning vir die vyfde agtereenvolgende jaar by die FNB Classic Clash.

  • Twee Blou Bulle ligabekers pryk in ons trofeekas.

  • Die 0/14-span speel in die Beeldtrofee-finaal.

  • Ons 0/17-span tree as wenners uit die stryd tydens die Roodepoort Coke-reeks.

  • Twee Blou Bulle skole-afrigters is deel van ons formidabele personeelkorps.

• Ontwikkelingsprogramme

  Ons sportontwikkelingsprogramme bied aan jongmanne, wat ernstig oor rugby is, die geleentheid om hulle vir die hoogste sport in rugby te bekwaam.

  Menlo-Rugby se ontwikkelingsprogramme het tot gevolg dat daar elke jaar meer provinsiale spelers opgelewer word as wat ingeneem word. Hierdie groei vind plaas deur die ontwikkeling van eie talent tot hulle volle potensiaal op individuele-en spanvlak.

  Die Hoërskool Menlopark het elke jaar talle rugbyspanne op die veld wat in die ligas hulle merk maak en teen ander topskole meeding. Tans is die skool se rugby onder die eerste 2 skole in Pretoria. Rugbytoere en -wedstryde teen ander Suid-Afrikaanse skole en ook internasionale spanne, vorm deel van die rugbyprogram.

  Ons het al verskeie skool- en senior provinsiale spelers, asook Springbokke, opgelewer. Johan Marais, Rudolf Straeuli en Jacques Olivier is oud-Parkies wat Springbokkleure verwerf het.

  Die Hoërskool Menlopark is ook trots op sy rugbyspelers wat Menlo-Rugby verteenwoordig by die Cravenweek.

• Voorseisoen-oefening

  Gedurende die voorseisoen word daar met spelers gewerk om hantering, vaardighede en fiksheid op peil te kry. Daar word ook tyd aan gimnasiumwerk spandeer gedurende die voorseisoen. Spelers wat aan ander sportsoorte binneseisoen deelneem (atletiek, swem, ens.) mag oefeninge bywoon wat nie inbreuk maak op seisoensportsoorte nie.

  Dit is ook die tyd wanneer proewe gespeel word vir spankeuses, alhoewel daar ook binneseisoen, voor die liga begin, wedstryde teen ander skole gespeel word, wat as proewe dien. Klinieke en vakansietoere en –kursusse is ‘n ononderhandelbare deel van die voorbereidingsprogram. Laerskoolklinieke word ook aangebied en Menlo-rugbyspelers word geleer om hulle vaardighede ook aan jonger spelers oor te dra. So ontstaan ‘n rugby-tradisie van spanwerk.

• Binneseisoen-oefening

  Krag en kondisionering word gehandhaaf en die klem skuif oor na vaardigheidsoefeninge, tegniese afrigting per posisie en funksie, spanoefeninge en kapteinsoefeninge, sielkundige voorbereidingsmetodes, fiksheid, spel- en posisionele ontleding.

• Buiteseisoen-oefening

  Daar word baie aandag gegee aan gimnasiumwerk en die rus van sekere spiere.

• Menlo Rugby-tradisie

  Dit is ook tradisie by Die Hoërskool Menlopark dat die jaar se eerstespan aan die einde van die rugbyseisoen teen die vorige jaar se eerstespan kragte meet.

  Dié wedstryd teen die oud-Parkies laat Parkies en Oud-Parkies van heinde en ver om die A-veld saamdrom en geeneen met Menlo-bloed in sy are laat hierdie stryd by hom verbygaan nie.

• Menlo-Rugby Ondersteunersklub

  Die Menlo Rugby- ondersteunersklub (MRK) se doelwit is om rugby by die skool in die regte gees te vestig, te bevorder en te kweek op ‘n manier wat tot eer strek van die hoogste rugby-ideale van die skool en sy seuns. Hulle poog om:

  • die Menlo-Rugbyondersteuning op ‘n georganiseerde basis te bewerkstellig deur alle rugbyondersteuners in ‘n hegte eenheid saam te snoer.
  • die Menlo Rugby-groepsidentiteit te vestig, uit te bou en uit te dra tot die gerief en voordeel van sy lede, gaste, die rugbyspelers en afrigters.
  • die nodige strukture en middele in plek te stel om rugbyspelers en afrigters te ondersteun om sodoende tot hulle optimale potensiaal te ontwikkel.
  • die nodige sosiale geleenthede te reël om met Menlo-organisasies, wat dieselfde doel nastreef, saam te werk.

  Kontakpersoon: Marlize Beukes by Hierdie e-posadres word van Spambotte beskerm. Jy moet JavaScript ontsper om dit te lees.

• Rugbyklubhuis

  Die onderste vlak van die klubhuis is ingerig en word gebruik vir die onthaal van onderwysers, afrigters en skeidsregters voor, tydens en na wedstryde.

  Absolut Menlo-Klubhuis

  Die boonste vlak van die klubhuis is ingerig en word gebruik om Menlo Rugby-ondersteuners te akkommodeer. Alle Menlo Rugby-ouers, -ondersteuners, -onderwysers en -borge word uitgenooi om rugby saam in die Absolut Menlo-klubhuis te geniet.